KIA Norge – KIA Bjørgvin

KIA Bjørgvin

I KIA er vi opptatt av at alle skal bli sett og få moglegheit til å finna sin plass i det norske samfunnet. Vi skaper møteplassar på tvers av kultur og religion i Bergen, Askøy og Kvam; og ynskjer nå ut til stadig fleire i Vestland fylke.

KIA Bjørgvin har kontor i Bergen sentrum, og driv Kristent Interkulturelt Arbeid i fleire delar av Vestland.

Vi fostrar interkulturelle relasjoner kvar veka gjennom prosjekt som Konvertittgruppa, Mannsgrupper for innvandrermenn og Turgrupper.

Mannsgrupper for samfunn-, arbeid- og språkkompetanse kvar måndag frå klokka 16-18 i Bergen

Turgrupper for fellesskap kvar måndag frå klokka 18-20 i Bergen med oppmøte på kontoret i Bergen

Konvertittgruppa har bibelundervisning på kontoret fredag frå klokka 12:30-14, for dei som forstår farsi/dari. Deltakarar som ikkje kan møta fysisk er velkomne til å følga denne undervisninga digitalt via Skype
I Kvam kommune gjennomførast også Mannsgrupper og Turgrupper torsdager frå klokka 16-18 og 18-20 med oppmøte ved Norheimsund kyrkje

Vi har også faste, årlege arrangement som Internasjonal sommarleir, Adventsfest og Internasjonal julefeiring.

Vi driv økumenisk arbeid, tar del i Nettverk for eit fleirkulturelt Bjørgvin, og ynskjer å integrera innvandrarar med kristen bakgrunn i norske trussamfunn.

2021 er eit nyskapande år for KIA Bjørgvin med store endringar; Nytt kontor, ny regionleiar og nye prosjekt!

Mykje av vårt arbeid har vore knytta til Arna mottakssenter som blei lagt ned i desember 2020, men asylsøkjarane er flytta til mottak på Stord og i Florø. Vi fylgjer dei fortsatt opp, men ynskje om å etablera fleire lokalavdelingar og å engasjere fleire frivillige i arbeidet vårt.

KIA Bjørgvin drøymer om å sette i gang fleire prosjekt i både Bergensregionen og Bjørgvin; Fleire Mannsgrupper og Turgrupper, Tverrkulturelt kor, Interkulturelt fotballag, Fleirkulturell ekteskapsrådgjeving, Alpha-kurs, Trafikale grunnkurs, Sosiale integreringstiltak m.m.

Regionrådet til KIA Bjørgvin har trufaste representantar frå våre medlemsorganisasjonar: Bergen Indremisjon,, Bjørgvin Bispedømmeråd, Det Norske Misjonsselskap-NMS, Normisjon og Norsk Luthersk Misjonssamband-NLM.

Vi er takksame som har mange engasjerte frivillige i arbeidet vårt, men for å nå måla har vi behov for endå fleire frivillige i arbeidet, som kan bistå med inkludering, integrering og ivaretaking av flyktningar, asylsøkjarar og innvandrarar, uavhengig av kor ein kjem frå og kva livssyn ein har.